شي ما انساه !

اشياء وايد ما ينسااها الواحد بحياته .. ذكرى حلوه او ذكرى حزينه
انا الشي الي ماقدر انساه بحياتي .. لاهو حلو و لاهو حزين
ذكرى غريـبــــــــــــــــــــــــــــــــــــــــــــــــــــــــه
اي اي غريبه ...
هممممممم 20-12-2006 بمسرح مدرسه AIS صار شي غريب
نظمو حفله روك حق 3 فرق ... وهالفرق هذي في منهم كويتيين .. وفي سوريين
انا استغربت .. قلت روك وكويتي ! جنه السالفه مو راكبه على بعض
وين قاعدين يعني شنو يغنون اغاني كويتيه بس يصارخون فيها ؟
عاد اشتغلت اللقافه وقلت لازم اروح اشوف شالسالفه
دقيت على رفيجتي ويمين يسار ومني ومناك قلنا يالله ..
بدلنا ولبسنا شيلاتنا ودقينا السياره سلف وطيران على ميدان حولي
حسنا شوي بالمواقف .. واحنا ندوور موقف اشوف الاشكال الي تدش
تخررررررررعععععععععع
ناس لابسه اسود بأسووود وبنات حاطين حمره سوده ومكياج اسوود وصبغ اسود وشعرهم بوي طويل اشوي احمرر ومسوينه سبايكي ..
@@ @@ @@ @@ @@ طلعت عيوني
اخترعت
قلنا لالا محنا نازلين
يحليلنا مع حجاباتنا داشين بين هذول
قعدنا بالسياره نراقب ..
شوي ولا المح اخو رفيجتي صغيرون عمره 16 سنه
انا : يا فلااااااااااااان ... انت شيايبك اهني ؟
فلان : انا ولا انتو !!!! انتو شيايبكم ؟؟
انا : مادري انا قلت حفله روك بمسرح مدرسه يعني شي منظم ووقلت اشوف شالسالفه بس هذول اشكالهم تخرع .. وانت بعد صايرلي منهم
فلان : الله يخليج هذول تقطين عليهم كلينكس يبجووون ... هذول بس شكل مايدرون وين الله قاطهم ويحبون يسمعون رووك .. ادري عبالج عبدة شيطان لا لالا هذول عايشين الدور وبس
انا : همممممممم اوكي مشكور طمنتني
المهم راح الصبي .. وتشاورنا انا ورفيجتي وقلنا يالله بعد يايين هالمشوار ونزلنا
عند باب المدرسه واقف واحد شفته مو غريب ولا شايفته بالجامعه جم مره
قلت السلام " يايه حفله روك واقول السلام .. صج ماعندي سالفه "
جان يقولي : هاي .. تيكيتس ؟
قتله يس .. تو لول " التذكره كانت ب5 دنانير "
دشينا المسرح ولا قروبات قروبات كل واحد صوب وكان في بنات .. بس كل وحده مع البوي فريند مالها
قعدنا
بدت الحفله
غنت الفرقه الاولى
بسم الله الرحمن الرحيم ....... ليش جذي الصوت عالي ازعاااااااااااج
حمدلله والشكر اشفيه يصرخ ويهزز راسه
وييييييع ياشين السرج على البقرر هذول وين وهالسوالف وين
والجمهورررر قاعدين يهزون راسهم " هد بانق " ويسوون بيدهم جذي ..
بصراحه تجربه ماااقدر انساها حسيت اني بعالم ثاني ..
يمكن محد يقدر يتخيل الوضع ...
بس ترى صج الوضع كان غرررريب
يعني اول شي كنا خايفين .. بس بعدين متنا ضحك لووول
خلاحطلكم فيديو حق حفله ثانيه سووها بعدين عقب الحفله الي رحتلها هذا الي لقيته باليوتيوب .. بس يعني نفس الاجواء واللويه
"على فكره المغني كويتي"

www.youtube.com/watch?v=M35V1BaAuHM

ملاحظه " اول شي كتبت بهاللون لوول بس بعدين قلت لالا روك لازم اسود :q"