يمكن اغلبنا شاف هالايميل ... خلاقولكم هالايميل شيقول باختصار بعدين ندش بالموضوعهالايميل ان مرسل من هيئة اسلامية حق مدير شركة رقلي الامريكيه .. الي تصنع علج اكسترا وبوسهم
قالولهم هل منتجاتكم تحتوي على ملينات من مصادر حيوانيه ؟؟
والشركه ردت وقالت اي تحتوي وهالشي مايصلح لاستعمال المسلمين
يعني يا سبحان اللللله ... الشركه تدري ان المسلمين حرام عندهم وتجاوب بكل صراحه وماتخفي هالشي بس توزعلهم عادي
اوووكي مو مشكله نفرض ان صح
انا كلمت وكيل علج اكسترا بالكويت وقالي الاتي : " ان الهيئه الاسلاميه هذي دقت على شركه اكسترا بامريكا .. وقالتلهم نبي نزوركم عشان نشووف منتجاتكم تناسبنا كمسلمين ولالا .. الشركه قالو اوووكي موافقين ... شردوو عليهم الهيئه ؟؟ قالولهم اذا تبونا نيي نجيك انتو تتكفلون بمصاريف رحلتنا كلها + تعطونا مبلغ سنوي لان احنا بنصرح وننشر حق المسلمين ان منتجاتكم زينه ومافيها اي اشكاليه " طبعا المبلغ الي طلبوه كان مبلغ خيالي .. يعني باختصار عمليه ابتزاز .. ، المهم الشركه قالتلهم سووري احنا مانحتاج تصريحكم بس اذا انتو مهتمين احنا نرحب بزيارتكم بس ماراح ندفع شي
الي صار بعدين انننننن . .... الهيئه هذي عشان تبتزز الشركه قامت ودزت هالايميل ... وخنكون دقيقين ونشوف .. ليش اعتمدو على الايميلات بس ؟؟؟ ترى الموضوع لوو صج وايد خطيررر ويقدرون ينزلون نشرات ويكتبون بالجرايد وو و و .. بس هذي اشياء رسمية وتصير مستمسك ضدهم بس الايميلات لا شي عادي ... فالسالفه كلها قضيه ابتزاز .. "
يعني عادي ياما شفنا مقالات وابحاث علميه يوم تمدح منتج يوم تذمه .. هذي كلها اشياء مدفووووعه الاجر
وللاسف في ناس صارت تستغل اسم الدين وحساسيه الناس من هالسوالف واتاااجر فيها
زين خنشوف الادله الي تثبت صحه كلامي وكلام الوكيل بالكويت :
علج اكسترا اييبون شحنات شهريه من العلج لي الكويت .. وفي اجراءات من وزاره الصحه ووزاره التجاره
يعني المنتج يمر بمرحلتين ..
وتدرون ان وزاره الصحه لازم تاخذ من كل شحنه تدخل الكويت عينات عشوائيه .. ساعات اييبون شحنتين بالشهر وزاره الصحه تاخذ من الثنتين .. يعني مايخلون اي شحنه تعدي بدون ماياخذون عينات عشواااائيه ..
يفحصونها عدل ويشوفون فيها شي .. عقب يمررونها
بتقولولي احنا بالكويت مختبراتنا خرابيط
انا بقولكم لاااا لا تستهينون بمختبراتنا لانها تنافس افضل المختبرات بالعالم وعندنا ناس اكفااء فعلا ..
خلاقولكم سالفه عن مختبراتنا ...
مره في شركه يابت ككاو .. خذو بالمختبر عينه عشوائيه وشاقو النتايج ووقالولهم الككاو في كحول
الوكيل قال كحول !!!! مستحيلللل
ويسوي اتصالاته مع المصنع ويقولوله مستحيللللللل احنا صج نصنع ككاو في كحول بس هالنوع هذا لا مافيه واحنا ندري ان هالشي مو مسموح عندكم .. طبعا لو يطلع الككاو مافيه كحول حدها مو حلوه بحق مختبرات الكويت بنطيح من عينهم
المهم المصنع قالو ردو الشحنه احنا بنفسنا نبي نفحصها
خذو الشحنه وخذو عينه ...
شافو ان في نسبه كحول بسيطهههههههههه شي يعني مو ملحوظ وماياثر
استغربوو !!!
مني مناك ... اكتشفو ان الالات الي تصنع الككاو الي فيه كحول .. قريبه من الي مافيه كحول .. وفي نسبه كحول بسيطه منتشره بالجو والككاو واهوا سايح وحار ممتص النسبة البسيطه هذي الي بالجو ...
الغرض من هالقصه اني ببينلكم كفاءه مختبراتنا ..
وشي ثاني بعد انا سالت الوكيل قتله ليش ماسويتو حمله اعلانيه او شغله جذي تبين ان منتجاتكم مافيها شي
قال هالشي الشركه الام مسئوله عنه وبعد ما تباحثت السالفه معاهم قالو السالفه عاديه ومااله داعي نعطيهم اكبر من حجمهم واصلا المبيعات بالشرق الاوسط بزياده .. وعطوه مثل تقرير من الشركه ان منتجاتهم مافيها شي .. وقالوله احتفظ فيه عندك واذا احد مهتم بالسالفه بييلك لي عندك ويسال ووو انت توريه ..
مو كل شي نشوفه نصدقه !! وخصوصا اذا من مصدر غير رسمي ....... يعني لو نفكر شوي .. الضجه الي سوتها هالايميلات ليش ماخلت احد من هالمتشددين يتكلم ويصرح ويطالب بالمنع ؟؟؟ وين الحكومه من كل هذا ... ووايد منتجات صارتلها دعايه بهالطريقه وكلهم بنفس الطريقه هذي
واحنا لازم نكبر عقولنا شوي ونفكررررررر ونعرف وين الصح من الغلط
ليست هناك تعليقات:
إرسال تعليق